Стандард
КОМПАНИИ

Три компании имаат шанса да го повторат успехот на „Tesla“ во 2021 година

Не може да се негира дека 2020 година беше исклучителна година за електричните автомобили, а Елон Маск беше човекот во нејзиниот центар, пишува Yahoo Finance. Богатството на Маск се зголеми за повеќе од 60 милијарди долари откако „Tesla“ беше вклучена во индексот S&P 500 кон крајот на декември.

„Tesla“ е веќе шеста по големина јавно тргувана компанија во САД според пазарната капитализација, надминувајќи го рејтингот на познати компании како што се „Berkshire Hathaway“ на Ворен Бафет, „Walmart“, па дури и „Johnson & Johnson“.

Капитализацијата на компанијата е веќе над 834 милијарди долари и не покажува знаци на слабеење.

Во меѓувреме, основачот и извршен директор на „Tesla“, Елон Маск стана најбогатиот човек во светот, неговото богатство порасна од 22 милијарди на крајот на 2019 година на 190 милијарди долари.

Целата индустрија ги користи придобивките од електричните автомобили – од производители на електрични автомобили и производители на батерии до компании што градат инфраструктура за полнење …

Секоја компанија поврзана со електрични возила доживува свој подем. Но, овој бум само што започнува.

Ако мислите дека 2020 година беше добра за електричните возила, тогаш 2021 година веќе изгледа уште поперспективно – и поисплатливо.

Еве три компании во секторот што можат да се радуваат на подем оваа година:

„Nio“

Неодамна, аналитичарите и инвеститорите беа подготвени да го напуштат производителот на автомобили „Nio“. Општо, дури имаше гласини дека компанијата е пред банкрот.

Сепак, кинескиот конкурент на „Tesla“ се опорави, надминувајќи ги очекувањата и што е уште поважно, одржувајќи го билансот во согласност.

И неговите напори се исплатија во голем дел.

На почетокот на јануари 2020 година, акција на „Nio“ вредеше само 3,24$. Откако компанијата објави рекорден број испораки, лансираше револуционерна платформа во областа на батериите, акциите на компанијата се зголемија во вредност од рекордни 1.604%.

Во меѓувреме, продажбата на „Nio“ во Кина продолжува да расте. Отсега натаму, подемот на компанијата како суперѕвезда на пазарот само ќе се забрзува.

„Facedrive“

Историјата на Facedrive е меѓу најинтересните на берзата во 2020 година. Компанијата не се занимава со производство на електрични возила, ниту создава инфраструктура за нив.

Facedrive создава целосно нов екосистем во индустријата кој е фокусиран на побарувачката на потрошувачите. Facedrive е во состојба да им обезбеди на корисниците свои виртуелни галерии со електрични автомобили. Клиентите можат да изберат кое било возило од списокот само со едно притискање на копче и автомобилот ќе им биде доставен лично за краток временски период.

Потрошувачите дури и не мора да изберат само едно од возилата. Всушност, тие можат да возат различен автомобил за работа секој ден, ако сакаат. Оваа едноставна иновативна идеја е важна затоа што тоа го бараат современите потрошувачи. Обезбедува удобност, слобода и разновидност истовремено.

Возењето и користењето електрични автомобили никогаш не било подостапно и токму ова ветува дека ќе помогне во навлегувањето на електричните автомобили. Уште поважно, идејата за поседувањето – таква, каква што ја знаеме, веројатно ќе се промени значително.

Workhorse Group

Workhorse е друга компанија која има уникатен пристап кон индустријата за електрични автомобили.

Наместо да произведува автомобили за потрошувачи, компанијата бара начин да стане снабдувач на автомобили за доставување производи до домови. И тоа не е лошо.

Во 2020 година, продажбата преку Интернет ја надмина границата од 4 трилиони долари и се очекува да порасне на 6,5 трилиони долари во следните две години.

Ова значи дека треба да се извршат многу испораки и ќе бидат потребни многу возила за нивно извршување.

Во позадина на растечкиот глобален притисок да станат еколошки, големите мрежни трговци сè повеќе се свртуваат кон електрични автомобили. Оваа побарувачка се очекува да расте експоненцијално во наредните години.

Workhorse Group не е ограничен на електрични автомобили. Беспилотното летало на компанијата има за цел да го смени начинот на кој луѓето примаат пратки и веќе привлекува големо внимание. Всушност, дури и Поштенската служба на САД веќе покажува интерес.

Во 2020 година, цените на акциите на Workhorse се зголемија за 658%.

Поврзани вести

Анкета: 70 отсто од граѓаните сметаат дека е потребно отворање на економијата за враќање на работните процеси

msp-admin

„Huawei“: Го продаваме брендот „Honor“ заради притисоците што ги трпиме

msp-admin

Netflix веќе нема да работи на овие уреди, погледнете дали сте засегнати

msp-admin
error: Превземањето на содржина без дозвола од авторот е дело казниво со закон!!!