Стандард
КОМПАНИИ

Британскиот јавен долг достигна НОВ РЕКОРД

Британската малопродажба малку се опорави во декември, откако трговците отворија продавници по четиринеделното затворање воведено во ноември за да спречат ширење на коронавирус, додека јавниот долг достигна ново рекордно ниво во тековната финансиска година.

Продажбата на мало се зголеми за 0,3 проценти во декември, што е далеку под очекувањата на економистите кои предвидуваа пораст од 1,2 проценти во анкетата на Ројтерс, според денешната официјална статистика.

Во текот на целата 2020 година, продажбата на мало во Британија падна за 1,9 проценти, што е највисока стапка забележана во една календарска година, а продажбата на облека опаѓа за повеќе од 25 проценти.

Продажбата на мало се претстави подобро од другите области во потрошувачката сфера, бидејќи потрошувачите се свртеа кон шопинг во онлајн продавници, каде што прометот скокна за 46,1 проценти минатата година.

Фунтата ослабе во однос на доларот и еврото по објавувањето на статистичките податоци за малопродажбата. Во исто време, задолжувањето на британскиот јавен сектор изнесуваше 34,1 милијарди фунти (46,65 милијарди долари) во декември, а од април, кога започна тековната финансиска година, достигна рекордни 270,8 милијарди фунти (369,88 милијарди долари).

Јавното задолжување продолжува да расте како резултат на дополнителните трошоци поврзани со финансиска помош на милиони домаќинства, насочени кон поддршка на потрошувачката и намалување на невработеноста.

Владините економски прогнози предвидоа во ноември дека задолжувањето во финансиската година 2020/21 година ќе достигне 394 милијарди фунти, што е еквивалентно на 19 проценти од БДП, што е најмногу од Втората светска војна.

Денешните податоци покажуваат дека вкупниот долг на британскиот јавен сектор достигна 2,13 трилиони фунти, или 99,4 проценти од БДП. Тоа е највисокото ниво од финансиската 1962 година.

Поврзани вести

Huawei може да ја заврши годината со испорачани 230 милиони смартфони

msp-admin

Бесими: Спроведување на стратегијата за економско заздравување и забрзан раст

msp-admin

Акции што никогаш не треба да се продаваат, велат експерти

Влатко Зорба
error: Превземањето на содржина без дозвола од авторот е дело казниво со закон!!!