Стандард
КОМПАНИИ

ИЕА ја намали својата прогноза за побарувачката на нафта во 2021 година

Меѓународната агенција за енергија (ИЕА) ја намали својата прогноза за глобалната побарувачка на нафта во 2021 година оваа недела, предупредувајќи дека развојот на настаните поврзани со пандемијата КОВИД-19 ќе продолжи да влијае на стабилноста на нафтениот сектор.

Агенцијата сега процени дека глобалната побарувачка на нафта во наредната година ќе достигне 96,6 милиони барели на ден, што е опоравување од 5,5 милиони барели во споредба со 2020 година, но сепак е за околу 300.000 барели дневно помалку од првичните очекувања. Ревизијата на проценката на ИЕА е под влијание на ограничувањата во многу европски земји и делови на Кина кои се соочуваат со нов бран епидемии на коронавирус.

Во 2020 година, побарувачката за нафта падна невидено поради мерките преземени за борба против пандемијата. Во исто време, аналитичарите имаат различни проценки за вредноста на нафтата во 2021 година, кои се движат од 40 до 65 долари за барел. Сепак, експертите се согласуваат за една работа – минатогодишната криза ќе има долгорочни последици, пред се на капиталните инвестиции на нафтените компании. Вкупните инвестиции во истражување и производство на нафта и гас се очекува да бидат околу 383 милијарди долари, што се смета за најниска инвестиција во последните 15 години.

На долг рок, отсуството на нови проекти и нови барели нафта може да доведе до нови нестабилности на пазарот на нафта и значително зголемување на цената на овој извор на енергија по 2022 година.

Поврзани вести

SpaceX ги објави цените за услугите на Falcon 9

msp-admin

ЕБОР најави помош од 1,7 милијарди евра за Западен Балкан

msp-admin

Европскиот пазар на автомобили падна за 55% во март

msp-admin
error: Превземањето на содржина без дозвола од авторот е дело казниво со закон!!!