Стандард
КОМПАНИИ

Шефот на Huawei сака да зборува со Бајден

Основачот и извршен директор на Huawei, Рен Женгфеи повика на ресетирање на односите меѓу неговата компанија и САД.

Според Си-Ен-Би-Си, Женгфеи изразил подготвеност да разговара со претседателот Бајден и изјавил дека се надева на поотворена политика на новата администрација.

„Јас би ги поздравил ваквите телефонски повици, а мојата порака е за заеднички развој и успех“, објасни Женгфеи, додавајќи дека САД сакаат економски раст, а исто така и Кина.

Тој смета дека американските компании би добиле повеќе можности за снабдување доколку се прошири производствениот капацитет на Huawei и дека тоа би било од заемна корист.

„Сè уште се надеваме дека можеме да купиме големи количини американски материјали, компоненти и опрема за сите да имаме корист од кинескиот раст“, ​​заклучува Женгфеи, додавајќи дека новата администрација ќе ги има предвид ваквите деловни интереси.

Потсетуваме дека Huawei во моментов не може да работи со американски компании затоа што администрацијата на Трамп го стави на црната листа на Министерството за трговија поради наводни стравувања за националната безбедност.

Поврзани вести

Европа ја презеде титулата на Кина како најголем пазар за електрични автомобили во светот

Влатко Зорба

Netflix веќе нема да работи на овие уреди, погледнете дали сте засегнати

msp-admin

Производителите на автомобили ширум светот ги исклучуваат производните линии

Влатко Зорба