Стандард
КОМПАНИИ

Средната класа се намалила за 90 милиони луѓе

Средната класа на глобално ниво опадна за прв пат од 90-тите години на минатиот век, поради пандемијата на коронавирус, додека скоро две третини од домаќинствата во економиите во развој објавија загуба на приходот, според студијата на истражувачкиот центар PEW на Светска банка.

Студијата посочува дека рангот на глобалната средна класа – оние што заработуваат од 10 до 50 американски долари на ден – минатата година паднал за 90 милиони луѓе, на скоро 2,5 милијарди.

Тоа влијаеше на бројот на сиромашни или на оние кои живеат со нешто помалку од два долари на ден за 131 милиони, проценува PEW.

Како што е истакнато, никогаш порано во историјата не бил забележан ваков пад на приходите на глобално ниво, бидејќи се проценува дека 62 милиони луѓе со високи примања, или оние кои заработуваат 50 или повеќе долари на ден, паднале во средна класа, што е резултат на пандемија.

Сите овие податоци, како што е нагласено, го покажуваат и крајот на моделот според кој глобалната средна класа постојано се шири од крајот на 90-тите, благодарение на брзиот раст на големите економии како Кина и Индија.

Според студијата од 2001 година на PEW институтот, средната класа сочинува 13 проценти од глобалното население. До 2019 година, таа порасна на скоро 18 проценти, со просечен раст од 50 милиони луѓе годишно кои се приклучија на рангот на среден приход во последната деценија.

Според друга студија на Светска банка, во која биле опфатени 47.000 домаќинства во 34 земји во развој, со вкупно население од скоро 1,5 милијарди луѓе, утврдено е дека 36 проценти од домаќинствата изгубиле работа минатата година, додека речиси две третини од нивниот приход се намалил.

Резултатот е првото зголемување на глобалната сиромаштија од азиската финансиска криза во периодот 1997-1998 година.

Според Светска банка, од септември 2020 година, напредните економии потрошиле просечно 7,4 проценти од БДП за спасување на работни места и компании погодени од пандемијата, во споредба со пазарите во развој кои трошеле 3,8 проценти од БДП и земјите со ниски приходи, кои потрошиле 2,4 проценти

Светска банка очекува светската сиромаштија да се зголеми и оваа година. Проценката на Светска банка покажува дека дури 124 милиони луѓе паднале под границата на екстремната сиромаштија во 2020 година. Оваа година се предвидува бројот на сиромашни да се искачи на 163 милиони.

Поврзани вести

Ангеловска: Во месец април е остварен поврат на ДДВ кон фирмите од 38 милиони евра, што е за 23% повеќе од минатата година

Колку донирале најбогатите луѓе во светот за борба против KОВИД-19?

msp-admin

Битиќи: Регулаторната комисија за енергетика одлучува за цената на струјата

Влатко Зорба