Стандард
КРИПТОВАЛУТИ

Coinbase на суд поради XRP на „Ripple“

Минатата недела на „Ripple“, една од најголемите светски финтех компании, и беше доставена судска постапка од страна на Комисијата за размена на хартии од вредност на САД (SEC), во која се тврди дека блокчеин компанијата нудела XRP токени во форма на нерегистрирани хартии од вредност.

SEC тврди дека XRP е хартија од вредност и го обвини Ripple дека направил 1,3 милијарди долари од продажба на XRP.

Регулаторите тврдат дека XRP отсекогаш била хартија од вредност и затоа морала да биде регистрирана во SEC пред да биде понудена во САД. Сепак, „Ripple“ не го стори тоа, тврдејќи дека XRP никогаш не бил хартија од вредност и дека Соединетите Американски држави биле единствените членки на Г20 кои го гледале како такво, а не криптовалута.

Coinbase е тужена за профит од продажбата на XRP

По тужбата на SEC за XRP, многу берзи за криптовалути го повлекоа XRP од своите списоци на поддржани средства, суспендираа трансакции или објавија дека паровите за тргување со XRP нема да бидат достапни до јануари 2021 година.

Главните берзи што го напуштија XRP вклучуваат Bittrex, OKcoin, Bitstamp, Beaxy, Coinbase и други. Coinbase е една од последните што објави дека паровите за тргување со XRP нема да бидат достапни во јануари 2021 година, иако XRP сè уште може да се чува во портфолиото на Coinbase.

Одлуката на американската берза за бришење на XRP е значајна, бидејќи на својата платформа има над 2,5 милијарди XRP.

Иако оддалечувањето на Coinbase од операциите со XRP беше брзо, можеби не беше доволно брзо. Незадоволен клиент неодамна го изрази своето незадоволство на смел начин и поднесе тужба против Coinbase. Клиентот на Coinbase ја обвини водечката берза за продажба на XRP токени како нерегистрирани хартии од вредност и добивање провизија од тие продажби.

Барањето за колективна акција беше поднесена во Северниот окружен суд во Калифорнија од Томас Сандовал, жител на Сент Луис. Во случајот, тужителот верува дека Coinbase бил целосно свесен дека XRP не е „commodity“ (како што се Bitcoin и Ethereum) и не е правилно регистрирана според федералните закони за хартии од вредност. Сандовал ја обвинува Coinbase дека продолжува да продава XRP токени, и покрај ова знаење.

„Coinbase знаеше дека XRP не е стока, туку повеќе хартија од вредност според федералните закони за хартии од вредност. И покрај тоа што знаеше дека XRP е хартија од вредност, Coinbase продолжи да и нуди XRP на јавноста и да наплаќа провизија за продажба“, се наведува во жалбата.

Coinbase обвинет за нефер третман кон вработените

Жалбата на Сандовал може едноставно да додаде гориво во огнот за Coinbase, бидејќи извештај беше објавен оваа недела во кој се обвинува водечката берза за нефер третман кон нејзините вработени, особено женскиот и црниот персонал.

Извештајот го објави „Њујорк Тајмс“. Во него се наведува дека вработените Афроамериканци во Coinbase биле платени за 7% помалку од сите други работници на слични работни места. Што се однесува до жените вработени на берзата, тие добиваат 8% помалку од другите мажи на сличен ранг на работни места.

Ова не е прв пат Coinbase да има проблеми со управувањето. За време на изборите во САД оваа година, 5% од вработените во Coinbase поднесоа оставка откако извршниот директор Брајан Армстронг наметна „аполитичка“ политика во работното опкружување.

Coinbase бара одобрување за IPO од SEC

Покрај тоа, Coinbase исто така беше критикуван за неочекувано затворање на платформата за време на биковите пазари на криптовалути. Корисниците се сомневаат во нелегална игра, како и досега, Coinbase имаше прекини и технички потешкотии кои се совпаднаа со движењата нагоре на Bitcoin. Само оваа година водечката берза се затвори најмалку девет пати, покажувајќи им на своите клиенти дека „има проблеми со врската“.

Судската постапка против Coinbase, во комбинација со нејзината сè понепријатна социјална слика, не можеше да дојде во полошо време за берзата. Претходно овој месец, Coinbase поднесе првична апликација за јавна понуда (IPO) до Комисијата за хартии од вредност на САД. Барањето моментално чека одобрување од американските финансиски регулатори.

Поврзани вести

Врвните светски универзитети купуваат криптовалути

Влатко Зорба

Аналитичар од Волстрит го даде првиот рејтинг на акциите на Coinbase

Влатко Зорба

На 46 бензински пумпи во Хрватска веќе може да се плаќа со криптовалути

Влатко Зорба
error: Превземањето на содржина без дозвола од авторот е дело казниво со закон!!!