Филмскиот суперхерој Хју Џекмен неодамна беше во центарот на јавноста откако се шпекулираше дека се разведува од својата долгогодишна сопруга Деби Ли Фурнес.
Нивниот случај за развод сè уште е во тек, а Џекмен изгледа нема трпение да се реши и да продолжи да го живее животот како што му одговара.
Неодамна го поврзуваа со неколку холивудски убавици, но ниту една од нив не е потврдена од романтичниот Хју во јавноста. Меѓутоа, сега повторно се шпекулира за неговата врска со многу помладата колешка Сатон Фостер.
А можеби и не би било толку чудно да не е мажена.
– Нивната романса е јавна тајна на Бродвеј – вели извор близок на актерот, кој вели дека Хју и Сатон се зближиле кога работеле на мјузиклот „Музичарот“. Се се одвиваше во текот на годината на која и се ближи крајот, па оттука и шпекулациите дека токму таа го тешела актерот кога решил дефинитивно да стави точка на бракот.
Друг извор вели дека Џекмен е опседнат со Сатон од моментот кога ја запознал. Тој наведува дека ја следел насекаде, како „заљубено кученце“.
– За времето што го поминаа заедно на Бродвеј, Сатон го третираше Хју како голема ѕвезда – на сите им беше јасно дека е целосно маѓепсан од неа – забележува изворот.
Сатон исто така откри дека станале „навистина блиски“ кога заедно вежбале за шоуто и признала дека се договориле да се „наоѓаат“ половина час пред секој настап за да имаат време подобро да се запознаат.
Тие тогаш биле и се уште се во брак со други луѓе. Сатон е во брак од 2014 година со нејзиниот втор сопруг, сценаристот Тед Грифин, татко на нивната посвоена ќерка, која сега има 6 години.
Во септември, Хју и Дебора-Ли (68) се разделија по 27 години и ги имаат децата Оскар (23) и Ава (18).
Во времето на нивното разделување, извор изјави за „ГЛОУБ“: „Тие беа повеќе врзани еден за друг како деловни партнери отколку како маж и жена. Бракот беше како договор „брат-сестра“. Работите не функционираа на физичко или романтично ниво“.
Изворите велат дека Хју и Дебора-Ли сега работат на „отплеткување“ на неговото богатство од 180 милиони долари, а новата романса на Џекмен може да ги искомплицира работите.
Фотографиите открија со кого Хју Џекмен го поминал првиот роденден по разводот