Стандард
ЕКОНОМИЈА

Ангеловска-Бежоска: Банкарскиот систем има капацитет со кој може да ја испорача потребната поддршка за населението

Банкарскиот систем останува здрав и стабилен и има капацитет да се справи со шоковите што ги предизвикува состојбата со коронавирусот. Последните расположливи податоци, кои датираат од почетокот на оваа година, потврдуваат висока капитализираност, висока ликвидност и висок квалитет на активата со која располага системот, порача гувернерката на Народната банка, Анита Ангеловска-Бежоска.

-Адекватноста на капиталот е околу 17 проценти – ниво коешто е повисоко од 2008 година кога економијата се соочи со голем шок. Учеството на ликвидната во вкупната актива е 27проценти, што исто така е повисоко во споредба со периодот пред глобалната економска криза. Квалитетот на активата на банките, којшто е значајна детерминанта на кредитната активност, е многу солиден. Тоа јасно се согледува преку нивото на нефункционални кредити коешто во моментот е околу 4,8 отсто од вкупните кредитни изложености. Сето ова укажува дека нашиот банкарски систем има солиден капацитет со кој може да ја испорача потребната поддршка за населението и корпоративниот сектор, истакна Ангеловска-Бежоска во интервју за телевизијата 24.

Во интервјуто, гувернерката говореше и за мерките што во текот на изминатите недели ги презеде Народната банка, при што одделно се задржа и на регулаторните измени со кои се овозможува олеснување на финансискиот товар на кредитокорисниците. Како што посочи, пред да бидат донесени измените, беа спроведени и бројни анализи и стрес-тестови, за детално да се процени капацитетот на банкарскиот систем.

-Истовремено се води грижа за одржувањето на финансиската стабилност и за овозможување поддршка на корпоративниот сектор и на населението, рече Ангеловска-Бежоска.

Со намалувањето на каматната стапка на благајничките записи, како што нагласи, дополнително се олеснуваат финансиските услови под кои кредитите се одобруваат и на претпријатијата, и на населението.

 

Поврзани вести

Заев во „Маркарт“: Новите инвестиции отвораат нови работни места

msp-admin

УЈП го продолжи рокот за пополнување на образец за ослободување од месечни аконтации за данок на добивка

Ангела Веселиновска

Деспотовски апелира, а компаниите се одѕваа и бесплатно им ги понудија своите ИТ решенија на граѓаните

error: Превземањето на содржина без дозвола од авторот е дело казниво со закон!!!