СТАНДАРД life
ЕКОНОМИЈА

Бесими на средба со Асоцијацијата на странски компании со технолошки напредно производство при Советот на странски инвеститори

Mинистерот за финансии, Фатмир Бесими, одржа средба со претставници на компаниите-членки на Асоцијацијата на странски компании со технолошки напредно производство при Советот на странски инвеститори, предводена од Виктор Мизо, претседател на Асоцијацијата.

На средбата беа разгледани клучните иницијативи и предлози во врска со прашања за даночната и царинската област, што се од значење за унапредување на работењето на компаниите со технолошки напредно производство, а во функција на зголемување на продуктивноста, конкурентноста, но и атрактивноста на земјава за задржување на постојните и привлекување нови инвеститори.

На состанокот се дискутираше за законската регулатива за даноци и царина, за усогласувањето на царинските стапки и за други значајни прашања кои се од интерес на странските инвеститори.

Дел од барањата кои се однесуваа на даночниот третман на исплатениот регрес за годишен одмор, намалување на даночниот биланс од Законот за данокот на добивка и доброволната регистрација за цели на ДДВ во било кој период од годината се веќе прифатени и се очекува нивна реализација во престојниот период.

Поврзани вести

Новинарка од „Њујорк Тајмс“ потрошила 10 биткоини на суши вечера

Stefanija Kuzmanovska

Инспекциите спроведоа вкупно 6.038 контроли и надзори, затворени се три угостителски објекти

Влатко Зорба

Сметководителите погодени од кризата со коронавирусот, ќе испорачаат предлог-барања за поддршка