Сите 120 вработени во фабриката за хартија „Пејпар мил“ од Кочани денеска добија писмени решенија дека работниот однос им продолжува, но до почетокот на април да не доаѓаат на работа.
За месеците додека не се ангажирани, работниците ќе добиваат редовни плати, намалени за 30 отсто, соопшти МИА.
Во меѓувреме, додека работниците се на принуден одмор, во „Пејпар мил“ очекуваат да пристигне таканаречениот вреќест филтер, што ќе биде инсталиран на оџакот од системот за согорување пелети.