Стандард
КОМПАНИИ

Брегу: Повеќе претприемачки и работнички можат да го зголемат БДП на Западен Балкан (ВИДЕО)

Генералниот секретар на Советот за регионална соработка (RCC), Мајлинда Брегу, изјави денес дека повеќе претприемачки и работнички можат да го зголемат БДП на Западен Балкан до 20%.

„Родовите предрасуди сè уште не исчезнаа, но секогаш има такви кои „се борат“ против нив и успеваат. Ние, како регион, треба да бидеме свесни дека зголемувањето на женското претприемништво и учеството на жените во работната сила може да донесе зголемување на БДП во Западен Балкан и до 20 проценти“, рече Брегу, цитирана од RCC.

Брегу го наведе примерот на српската претприемачка Зоја Кукиќ, кој е коосновач на „в“ и потпретседател за дигитална трансформација во „SignetWorld“. Со претприемачи, инвеститори, организации кои им помагаат на малите, штотуку основани и добро организирани и финансиски здрави компании, таа работи на зајакнување и развој на нивниот бизнис во новиот дигитален свет.

Зоја неодамна, заедно со пријателите од Уругвај и Јужна Африка, ја започна SheRocks Global, онлајн подкаст заедница на жени од целиот свет што „совршено прикажува несовршени жени од целиот свет со задача да го намали притисокот со кој постојано се соочуваат жените, а тоа е дека тие едноставно не се доволни“, се вели во текстот.

„Мојот главен совет е да бидете автентични. Ќе слушнете многу совети за тоа како да се облечете, како да се однесувате, што да зборувате, но, според мое искуство, само автентичноста ќе ни овозможи да бидеме среќни на долг рок. И само тогаш кога сте автентични, можете да го внесете најдоброто од себе во вашата деловна активност, но исто така и во приватниот живот. Трикот што ви помага да го направите тоа е да се опкружите со жени на кои им е удобно во нивна кожа и кои се свесни за нивните доблести и маани“, посочува Зоја.

Во декември 2020 година, RCC, заедно со UNDP, започна иницијатива под наслов „Економско зајакнување на жените: Области за заедничко дејствување на Западен Балкан“.

Во рамките на иницијативата, утврдени се пет главни приоритети: зголемување на женското претприемништво; намалување на половите разлики во дигитализацијата и науката, технологијата, инженерството и математиката; признавање и прераспределба на неплатена работа и инвестиции во грижа и заштита; промоција на жените на раководни позиции и унапредување на пристапот до пристојна работа: трансформацијата на јавниот и приватниот сектор за да се постигне родова еднаквост, се наведува во соопштението.

Поврзани вести

ЕУ го рангира Huawei меѓу трите најдобри глобални иноватори

Никола Поповски

Поради коронавирусот, Fiat сопира со производство во Србија

msp-admin

КОРИСТЕНИТЕ АВТОМОБИЛИ може драстично да поскапат: Германија предлага нов закон

Влатко Зорба
error: Превземањето на содржина без дозвола од авторот е дело казниво со закон!!!