Стандард
КОМПАНИИ

Дигитално евро: Дали ќе постои и како може да изгледа?

Претседателот на Европската централна банка (ЕЦБ), Кристин Лагард, оваа недела прокоментира дека финансиската институција ќе продолжи да се движи кон воведување на дигиталното евро, кое треба да стане електронска алтернатива на единствената валута.

„Банкнотите ќе останат, но мислиме дека ќе имаме и дигитално евро“, рече таа за време на онлајн конференција организирана од Ројтерс.

Конечната одлука во оваа насока се очекува да биде донесена на лето, во зависност од резултатот на јавната консултација што ЕЦБ ја заклучи оваа недела. Повеќе од 8.000 луѓе учествуваа во истражувањето на оваа тема, што е рекордно ниво за овој вид анкети.

Авторот Лео Ван Хов во коментар на темата за „ Euro Observer,“ напиша дека е-еврото може да се разликува од првичните очекувања и може да се гледа како лажен производ наместо револуција во плаќањата во еврозоната.

Во врска со ова, тој потсетува на позицијата на Кристин Лагард, спомената во голем број нејзини изјави, дека дигиталното евро нема да биде замена, туку додаток на физичките пари.

Во извештајот на Евросистемот (систем во кој се вклучени ЕЦБ и централните банки на другите земји од еврозоната) во октомври се вели дека тој може да се користи за разни иницијативи на ЕУ, како што е иницијативата за ограничување на готовината на ЕУ.

Авторот посочува дека ЕЦБ се соочува со неколку клучни прашања, кои точно одредуваат како ќе изгледа дигиталното евро и колку ќе биде раширена неговата употреба. Финансиската институција неодамна рече дека треба да комбинира „ефикасност на инструментот за дигитално плаќање со сигурноста на парите на централната банка“.

Ова ќе ја направи електронската верзија на еврото попривлечна поради неговата безбедност. Во исто време, информациите за начините на плаќања, кои ќе бидат достапни, нема да бидат помалку важни за потрошувачите. Според анкетите, доверливоста на плаќањата е една од најважните карактеристики за испитаниците.

Друга важна карактеристика ќе биде дали ќе има горна граница на износот што луѓето ќе можат да го имаат на сметка или дигитален паричник во форма на дигитална валута. Ова исто така важи и за можноста за воведување на максимален износ на трансакција, што, сепак, би го ограничило интересот за овој инструмент.

Поврзани вести

Јунајтед Груп ги презема бугарските оператори Нет1 и Комнет Софија

Влатко Зорба

ЕУ би можела да ги присили Apple да користaт USB-Type-C конектор во iPhone

msp-admin

Поради „системски злоупотреби“ на слободата на говорот, Унгарија тргнува против социјалните мрежи

Влатко Зорба
error: Превземањето на содржина без дозвола од авторот е дело казниво со закон!!!