Стандард
КОМПАНИИ

HSBC со пад на профитот од 34% во 2020 година

Една од најголемите светски банки, лондонската HSBC, ги објави финансиските резултати за 2020 година. Добивката пред оданочување падна за 34 проценти на 8,78 милијарди долари. Сепак, тоа е малку поголема сума отколку што првично се надеваа инвеститорите. Банката и покрај тоа исплати дивиденда од 15 центи по акција.

HSBC генерира огромен удел на приходи во Азија, што е разбирливо со оглед на тоа што е основана во 1865 година во Хонг Конг под британска администрација и дека беше преименувана во холдинг од страна на Хонг Конг и Шангајската банкарска корпорација во 1991 година. HSBC останува, технички гледано, најголемата европска банка во однос на локацијата на своето седиште, иако средствата со кои располага претежно доаѓаат од Азија. И покрај падот на профитот од 34 проценти, годишната заработка е 50,43 милијарди долари, што е за 10 проценти помалку од 2019 година.

Покрај ситуацијата поврзана со пандемијата на коронавирусот, работењето на банката во последно време не е фаворизирано од постојаниот конфликт меѓу сè помоќната Кина и економскиот Запад. Додека европските и американските претставници го обвинуваат раководството на HSBC за помагање на кинеските власти во борбата против неистомислениците во Хонг Конг и сервисирање на парите на големите компании од Кина кои се блиски до режимот, истовремено и политичари од најнаселената земја во светот сè уште не гледа позитивно на банката, со оглед на нејзиното потекло и врски со седиштето во Лондон.

Од овие причини, аналитичарите од Си-Ен-Би-Си веруваат дека HSBC, кој и да преовлада во оваа „војна“, на крајот ќе настрада. Едноставно кажано, деловниот модел изграден како мост помеѓу Исток и Запад не функционира како што беше предвидено во овој историски момент.

Банката навистина има само две опции – или да го насочи фокусот од поранешното седиште во Хонг Конг, кон Кина (што ќе предизвика нови негативни реакции од САД), или да молчи и да не прави ништо додека Америка и Кина не ги средат нивните разлики, а за тоа време да трпи понатамошен пад на профитот, неповрзан со корона-кризата.

Интересно е што вредноста на акциите на HSBC на берзата во Хонг Конг, според објавата на најновите резултати, всушност се зголеми за пет проценти. Причината за ова е што претходните очекувања на инвеститорите за остварената добивка и профит, всушност беа уште поконзервативни, а најавените износи беа поздравени како знак на оптимизам.

Поврзани вести

Тесла веќе заработи повеќе од биткоин отколку од електрични возила

Влатко Зорба

Пад на заработката на „Амазон“ за прв пат од 2017 година, Безос веќе не е најбогат човек во светот

msp-admin

Најбогатиот човек на светот изгуби 10 милијарди долари за еден ден

msp-admin
error: Превземањето на содржина без дозвола од авторот е дело казниво со закон!!!