Стандард
ТЕХНОЛОГИЈА

Гејмерите губат 912 часа сон годишно, открива истражување

Само во Велика Британија има 32 милиони гејмери. Експертите од GamingDeals.com затоа решија да откријат колку време луѓето поминуваат играјќи и кој дел од нивниот живот страда најмногу поради тоа.

Тие испитале 7.933 луѓе за нивните навики за играње и дошле до интересни сознанија.

Најчесто користената конзола меѓу гејмерите е PlayStation, која ја користат 41 процент од испитаниците. Следат Xbox со 38 проценти, PC со 17 проценти, додека 4 проценти велат дека користат алтернативни уреди.

Гејмерите играат игри во просек од пет до шест часа на ден. Тоа е отприлика 35 до 42 часа неделно, или повеќе од 1.820 часа годишно.

Националната фондација за спиење вели дека луѓето треба да спијат од 7 до 9 часа на ден, но 51 процент од гејмерите спијат само од 5 до 6 часа, што значи дека губат 912 часа сон годишно.

„Алармантно е тоа што луѓето губат толку многу сон поради игри, особено кога ќе ги имаме предвид здравствените ризици од недостаток на сон. Непроспиените ноќи можат да го зголемат лошото расположение и да го намалат фокусот. Исто така, недостатокот на сон го зголемува ризикот од дебелина, срцеви заболувања и дијабетес, односно го намалува животниот век“, вели експертот за спиење Алекс Јон.

Најпопуларните игри меѓу гејмерите се Minecraft (21 процент), Rust (17 проценти), Fortnite (14 проценти), Among Us (12 проценти) и Call of Duty: WarZone (10 проценти).

Експертите, исто така, одлучија да откријат дали играњето игри влијае на менталното и физичкото здравје на гејмерите. Дури 62 проценти од испитаниците признале дека порано прескокнувале одење на училиште или на работа заради играње.

„Во просек, поминувам од 7 до 8 часа на ден играјќи онлајн. Кога бев помлад, играв неколку дена. Сега, благодарение на онлајн семинари и предавања, можам да играм во позадина“, рече 21-годишниот студент Џејмс.

Но, многу гејмери, исто така, започнаа да доживуваат физички проблеми. Многумина признаа дека страдале од несоница (73 проценти) и кошмари (76 проценти) откако играле подолго време.

Петте најчести физички проблеми меѓу гејмерите се болки во грбот (30 проценти), суви очи (26 проценти), грчеви во рацете (18 проценти), главоболки (11 проценти) и недостаток на концентрација (8 проценти).

И, конечно, на прашањето дали пандемијата на коронавируси и „локдаунот“ влијае на навиките за игри, 80 проценти од гејмерите признаваат дека минале два до три часа повеќе пред екраните отколку порано.

Поврзани вести

Повеќе од 30.000 организации претрпеа штета по сајбер нападите врз серверите на Microsoft

Влатко Зорба

Беспилотни минибуси во Европа од 2023 година

Влатко Зорба

Windows 10 2004 би можел да биде објавен во мај

msp-admin
error: Превземањето на содржина без дозвола од авторот е дело казниво со закон!!!