Неодамна видовме како ажурираната верзија на паметниот телефон со екран на преклоп, Samsung Galaxy Fold се справува со тестовите на JerryRigEverything, а сега SquareTrade пушта видео од своите тестови.
Тие користат робот за да откријат колку преклопувања ќе издржи уредот, што според Samsung треба да функционира по 200.000 вакви движења. Резултатите од SquareTrade го побиваат ова тврдење, затоа што по 18.500 преклопувања, се појавува штета во група на пиксели, а при 120.000 се појавува проблем со функционирањето на шарката.
Компанијата спроведува и тест со испуштање на уредот од висина од 1,83 метри, при што еден пад е доволен за сериозно оштетување на уредот. Ова се случува и покрај употребата на вклучената со него заштитна обвивка и се однесува и на главниот екран и на надворешниот.
Како заклучок, можеме повторно да истакнеме дека ако ви се случи да го добиете Galaxy Fold, мора да бидете многу внимателни како работите со него.